༢༠༢༢ལོའི་ཟླ་བ་༤པའི་ཚེས་༡༥ཉིན་ནས་ཚེས་༢༡ཉིན་བར་ནི་རྒྱལ་ཡོངས་ཀྱི་སྐྲན་ནད་འགོག་བཅོས་དྲིལ་བསྒྲགས་གཟའ་འཁོར་ཨང་༢༨ཡིན་པ་རེད། ད་ལོའི་དྲིལ་བསྒྲགས་གཟའ་འཁོར་གྱི་བརྗོད་དོན་གཙོ་བོ་ནི་“སྐྲན་ནད་འགོག་བཅོས་བྱེད་པར་སྔ་ས་ནས་བྱ་སྤྱོད་སྤེལ་དགོས་”ཅེས་པ་དེ་ཡིན། དེའི་དམིགས་ཡུལ་ནི་མི་ཚང་མ་རང་ཉིད་ཀྱི་བདེ་ཐང་གི་འགན་འཁུར་བ་དང་པོ་བྱེད་རྒྱུ་དར་སྤེལ་ཧུར་ཐག་གཏོང་བ་དང།སྐྲན་ནད་ལ་ངོས་འཛིན་ཡང་དག།སྐྲན་ནད་སྔོན་འགོག་ཚོད་འཛིན་ཧུར་ཐག།སྐྲན་ནད་ཀྱི་རིམ་གསུམ་སྔོན་འགོག་འདུ་ཤེས་འཛུགས་པ།བདེ་ཐང་དང་དཔལ་ཡོན་ལྡན་པའི་འཚོ་བ་སྐྱེལ་སྟངས་ལག་བསྟར།རང་འགུལ་ངང་སྐྲན་ནད་འགོག་པའི་བདེ་ཐང་ཀྱི་གཟུགས་པོར་བརྟག་དཔྱད་ནང་ཞུགས་ནས་སྔ་ཙམ་ནས་སྔོན་འགོག་དང་།སྔ་ཙམ་ནས་ཤེས་པ།སྔ་ཙམ་ནས་བརྟག་དཔྱད་བྱེད་པ།སྔ་ཙམ་ནས་སྨན་བཅོས་བྱེད་པ།སྐྲན་ནད་ཕོག་ཚད་དང་ཤི་ཚད་ཉུང་དུ་གཏོང་བ།སྐྲན་ནད་སྔ་ཙམ་བརྟག་དཔྱད་བྱེད་ཚད་དང་འཚོ་གནས་བྱེད་ཚད་མཐོ་རུ་གཏོང་བ།སྐྲན་ནད་ཀྱི་གནོད་འཚེ་བཀག་འགོག་ཏན་ཏིག་བྱས་ཏེ་མང་ཚོགས་ཀྱི་བདེ་ཐང་ཆུ་ཚད་མཐོ་རུ་གཏོང་བ་བཅས་བྱེད་དགོས་པ་འདི་ཡིན།
ཅི་ཞིག་ལ་སྐྲན་ནད་རིམ་པ་གསུམ་པའི་སྔོན་འགོག་ཟེར།
རིམ་པ་དང་པོའི་སྔོན་འགོག་ཅེས་པ་ནི་ནད་རྐྱེན་སྔོན་འགོག་བྱེད་པར་ཟེར་ཞིང་།ཉེན་ཁའི་རྒྱུ་རྐྱེན་མི་ཐོན་པ་བྱེད་པའམ་ཉུང་དུ་གཏོང་གང་ཐུབ་བྱས་ནས་སྐྲན་ནད་འབྱུང་བའི་ཉེན་ཁ་ཆུང་དུ་གཏོང་པར་ཟེར།
རིམ་པ་གཉིས་པའི་སྔོན་འགོག་དེ་ནི་ཉེན་ཁ་ཆེ་བའི་མི་ཚོགས་ལ་སྔ་དུས་ནས་བརྟག་དཔྱད་དང་།ཐོག་མའི་བརྟག་དཔྱད།སྔ་དུས་ཀྱི་སྨན་བཅོས་བཅས་བྱས་ནས་སྐྲན་ནད་སྨན་བཅོས་བྱེད་ཚད་དང་འཚོ་གནས་བྱེད་ཚད་མཐོ་རུ་བཏང་སྟེ་སྐྲན་ནད་ཕོག་ཚད་ཉུང་དུ་གཏོང་པར་ཟེར།
རིམ་པ་གསུམ་པའི་སྔོན་འགོག་དེ་ནི་ལུགས་དང་མཐུན་པའི་སྒོ་ནས་སྨན་བཅོས་དང་དྲག་སྐྱེས་བྱས་པ་བརྒྱུད་སྐྲན་ནད་ཕོག་མཁན་གྱི་ནད་རྟགས་ཞི་ལྷོད་དུ་བཏང་སྟེ་འཚོ་གནས་བྱེད་ཚད་དང་འཚོ་གནས་ཀྱི་སྤུས་ཚད་མཐོ་རུ་གཏོང་བར་ཟེར།
改变不健康生活方式可以预防癌症的发生 བདེ་ཐང་མིན་པའི་འཚོ་བ་སྐྱེལ་སྟངས་བསྒྱུར་ན་སྐྲན་ནད་འབྱུང་བར་སྔོན་འགོག་བྱེད་ཐུབ་། ༡ཐ་མག་འཐེན་པ་དང།རྒྱགས་པ་ཆགས་པ།ལུས་སྦྱོང་མི་འདང་བ།ལུགས་དང་མི་མཐུན་པའི་བཟའ་བཅའི་གོམས་གཤིས།ཆང་རག་ཚོད་མེད་འཐུང་བ།གནོན་ཤུགས་ཆེ་དྲགས་པ།སེམས་འཚབ་པ་སོགས་ནི་སྐྲན་ནད་ཐོན་པའི་ཉེན་ཁའི་རྒྱུ་རྐྱེན་ཡིན། ༢ཐ་མག་གཅོད་པ་དང་ཆང་ཚོད་འཛིན་བྱེད་པ།བཟའ་བཅའ་དོ་མཉམ།ལུས་རྩལ་འོས་འཚམ་བྱེད་པ།བློ་བདེ་བག་ཕེབས་བྱེད་པ་སོགས་བྱས་ན་སྐྲན་ནད་འབྱུང་ཚད་ཇེ་དམའ་རུ་གཏོང་ཐུབ། ༣སྐྲན་ནད་བྱུང་བ་ནི་མིའི་ཚེ་སྲོག་གི་འཁོར་ཡུན་ཡོངས་ལ་འབྲེལ་བའི་ཉེན་ཁའི་རྒྱུ་རྐྱེན་གསོག་འཇོག་བྱེད་པའི་བརྒྱུད་རིམ་ཞིག་ཡིན། སྐྲན་ནད་སྔོན་འགོག་ཚོད་འཛིན་བྱ་རྒྱུ་དེ་དར་མ་དང་རྒན་རྒོན་གྱི་བྱ་བ་ཙམ་མ་ཡིན་པར་སྔ་ཙམ་ནས་སྐྲན་ནད་སྔོན་འགོག་བྱ་རྒྱུར་དོ་ཁུར་བྱས་ཏེ་ཆུང་དུས་ནས་བདེ་ཐང་གི་འཚོ་བ་སྐྱེལ་སྟངས་ཆགས་པར་བྱས་ནས་ཐ་མག་དང་ཨ་རག་སོགས་འབྲས་སྐྲན་བཟོ་བའི་རྒྱུ་རྐྱེན་མི་འཕྲད་པ་བྱས་ནས་སྐྲན་ནད་ཐོན་པའི་ཉེན་ཁ་ཆུང་དུ་གཏོང་དགོས། 早诊早治是提高癌症生存率的关键 སྔ་ཙམ་ནས་བརྟག་དཔྱད་དང་སྔ་ཙམ་ནས་སྨན་བཅོས་ནི་སྐྲན་ནད་འཚོ་གནས་བྱེད་ཚད་མཐོ་རུ་གཏོང་བའི་འགག་རྩ་ཡིན། གཅིག།སྐྲན་ནད་སྨན་བཅོས་ཀྱི་ཕན་འབྲས་དང་འཚོ་གནས་ཀྱི་དུས་ཚོད་ནི་སྐྲན་ནད་ཤེས་རྟོགས་བྱུང་བའི་སྔ་ཕྱི་དང་འབྲེལ་བ་དམ་ཟབ་ཡོད།ཤེས་པ་ཇི་ལྟར་སྔ་ན་སྨན་བཅོས་ཀྱི་ཕན་འབྲས་དེ་ལྟར་བཟང་ལ།འཚོ་གནས་ཀྱི་དུས་ཚོད་དེ་ལྟར་རིང་། གཉིས།ལུས་ཕུང་ལ་བྱུང་བའི་སྐྲན་ནད་ཉེན་ཁའི་བརྡ་རྟགས་ལ་དོ་སྣང་བྱེད་དགོས།གཤམ་གྱི་ནད་རྟགས་བྱུང་ན་དུས་ལྟར་སྨན་ཁང་དུ་སོང་ནས་སྨན་བཅོས་བྱེད་དགོས། ༡.ལུས་པོའི་སྟེང་གི་ཕྱི་ངོས་སུ་རྒྱུན་ལྡན་མིན་པའི་སྐྲངས་རྡོག་འབྱུང་བ། ༢.ལུས་ངོས་ཀྱི་སྨེ་ནག་དང་མཛེར་བ་སོགས་དུས་ཡུན་ཐུང་ངུའི་ནང་མདོག་ཟབ་ཏུ་འགྲོ་བའམ་ཡང་ན་མགྱོགས་མྱུར་ངང་ཇེ་ཆེར་འགྲོ་བ། ༣.ལུས་པོར་བྱུང་བའི་རྒྱུན་ལྡན་མིན་པའི་ཚོར་བ།མིད་པ་འགག་པ་དང་ན་ཟུག་སོགས་ཀྱི་ཚོར་སྣང་འབྱུང་བ། ༤.པགས་པ་དང་འབྱར་སྐྱི་ཡུན་རིང་མི་སོས་པ་དང་རུལ་ནད་འབྱུང་བ། ༥.རྒྱུན་མཐུད་རང་བཞིན་གྱི་ཟས་འཇུ་དཀའ་བ་དང་ཡི་ག་ཇེ་ཞན་དུ་འགྲོ་བ། ༦.བཤང་བའི་གོམས་གཤིས་དང་ངོ་བོ་དང་དབྱིབས་འགྱུར་བའམ་ཁྲག་ཡོད་པ། ༧.ཡུན་རིང་རང་བཞིན་གྱི་སྐད་འགག་པ་དང་།སྐམ་ལུད་རྒྱག་པ།ཁ་ལུད་ནང་ཁྲག་འདྲེས་པ། ༨.ཉན་ནུས་རྒྱུན་ལྡན་མིན་པ་དང་།རྣ་ཁྲག་འདོན་པ།མགོ་ན་བ། ༩.གསང་ལམ་ནས་རྒྱུན་ལྡན་མིན་པའི་ཁྲག་འདོན་པ།ལྷག་པར་དུ་ཐུག་འཕྲད་རང་བཞིན་གྱི་ཁྲག་འདོན་པ། ༡༠.ན་ཟུག་མེད་པའི་ཁྲག་གཅིན་དང་གཅིན་གཏོང་མི་བདེ་བ། ༡༡.རྒྱུ་རྐྱེན་མི་གསལ་བའི་ཚ་བ་རྒྱས་པ།ཤུགས་མེད་པ།ལྗིད་ཚད་ཇེ་ཡང་དུ་འགྲོ་བ།
藏公网安备 54010202000291号
微信服务号
微信订阅号