མིའི་རིགས་ཀྱིས་སྐྲན་ནད་ལ་ངོས་འཛིན་ཟབ་མོ་བྱུང་ཡོད་ལ།སྨན་བཅོས་བྱེད་ཐབས་ཁ་ཤས་ཀྱང་བྱུང་ཡོད་ཅིང་།སྐྲན་ནད་ཁ་ཤས་ལ་ཐ་ན་སྨན་བཅོས་ཀྱི་ཕན་འབྲས་ལེགས་པོ་ཐོབ་ཡོད་མོད།འོན་ཀྱང་སྐྲན་ནད་ནི་སྔར་བཞིན་མིའི་རིགས་ཀྱི་ཚེ་སྲོག་བདེ་ཐང་ལ་འཇིགས་སྐུལ་བྱེད་པའི་ལག་དམར་གལ་ཆེན་ཞིག་རེད། རྣམ་པ་འདི་འདྲའི་འོག་ཏུ་མི་མང་པོ་ཞིག་གིས་སྐྲན་ནད་གླེང་སྐབས་མདོག་འགྱུར་བཞིན་ཡོད།

འོན་ཀྱང་ཁྱོད་ཀྱིས་ཤེས་སམ། སྐྲན་ནད་ནི་"གང་ལའང་མི་སྐྲག་པ་"ཞིག་མ་ཡིན་པར་འཚོ་བའི་ཁྲོད་གལ་ཏེ་ང་ཚོས་དོན་ཆུང་༥པོ་དེ་ཐག་གཅོད་ཡག་པོ་བྱས་ཚེ་འབྲས་སྐྲན་ཕྲ་ཕུང་ཡང་"ཤོར་བའི་ཁས་ལེན་"བྱེད་སྲིད་པས་མགྱོགས་མྱུར་ཚོད་ལྟ་ཞིག་གྱིས་དང་།

ཁྱོད་ཀྱིས་ཤེས་སམ། སེམས་ཁམས་ཀྱི་བཟང་ངན་ནི་སྐྲན་ནད་བྱུང་བ་དང་།འཕེལ་རྒྱས།སྤོ་སྒྱུར།སྔོན་དཔག་བཅས་དང་ཁ་འབྲལ་ཐབས་མེད་པའི་འབྲེལ་བ་ཡོད།སེམས་ཁམས་མི་ལེགས་པ་ལས་བྱུང་བའི་སྐུལ་རྒྱུའི་འགྱུར་ལྡོག་མང་པོ་དཔེར་ན་ཇའི་ཧྥུན་ཨན་དང་མངར་ཤུན་རྫས་སྐུལ་རྒྱུ་དང་སྐུལ་བསྟུན་སྐུལ་རྒྱུ་གཞན་དག་གི་སྐྲན་ནད་ཕྲ་ཕུང་སྐྱེ་འཚར་ལ་སྐུལ་འདེད་དང་གནས་སྤོ་དེ་བཞིན་འཇབ་རྒོལ་ནུས་པ་ཡོད།སྐུལ་བསྟུན་སྐུལ་རྒྱུ་ཡིས་འབྲས་སྐྲན་སློང་བའི་ནད་དུག་སློང་ཐུབ་པ་མ་ཟད།རིམས་འགོག་གི་ནུས་པའང་བསྒྱུར་ཐུབ།

དེ་དང་བསྟུན་ནས།སེམས་ཁམས་སྐྱིད་པའི་སྐབས་སུ།མིའི་ལྟེ་བའི་དབང་རྩའི་མ་ལག་ཁྲོད་ཀྱི་"དགའ་སྤྲོའི་རྒྱུ་རྐྱེན་"ཏོ་པ་ཨན་གྱི་གར་ཚད་ལ་ཤུགས་རྐྱེན་ཐེབས་སྲིད།དེ་ནས་མིའི་ལུས་ཕུང་གི་རིམས་འགོག་མ་ལག་གིས་སྐྲན་ནད་ལ་ཁ་གཏད་འཇལ་བའི་ནུས་པ་མཐོར་འདེགས་གཏོང་ཐུབ།

གང་ལྟར་ཀྱང་དགེ་མཚན་ལྡན་པའི་བསམ་ཚུལ་གྱི་ནུས་པ་གལ་ཆེན་སྣང་མེད་དུ་འཇོག་མི་རུང་། ང་ཚོས་སྒྲུབ་དགོས་པ་ནི་སེམས་ཁམས་བཟང་བོ་དང་ལུས་སེམས་ལྷོད་ལ་བབས་ནས་སེམས་ཁམས་ཕྱིར་འདོན་དང་སྙོམས་སྒྲིག་བྱེད་དགོས།

སྐྲན་ནད་འབྱུང་བ་དང་།སྤོ་བསྒྱུར་བྱེད་པ་དེ་བཟའ་བཏུང་གི་གོམས་གཤིས་ངན་པ་དང་འབྲེལ་བ་དམ་པོ་ཡོད། ནད་པ་མང་པོ་ཞིག་གིས་ནད་གཞི་དྲག་སྐྱེད་བྱུང་བའི་དུས་སུ་ཟ་མ་“ཡག་པོ་འགའ་ཟ་”འདོད་ནས་ཁ་གསབ་བྱེད་བསམ་གྱི་ཡོད་མོད།འོན་ཀྱང་ཉ་ཆེན་ཤ་ཆེན་པོ་རྒྱབ་ཀྱི་ཚིལ་མཐོ་དང་མངར་ཆ་མཐོན་པོ་དེ་སྐྲན་ནད་སྤོ་བསྒྱུར་བྱེད་པའི་“ངན་རོགས”སུ་འགྱུར་སྲིད་པ་ཤེས་ཀྱི་མེད། ཞིབ་འཇུག་ལས་མངོན་པ་ལྟར་ན།མངར་ཆ་མང་བའི་བཟའ་བཏུང་ལ་ནུ་མའི་འབྲས་སྐྲན་ཕོག་པའི་ཉེན་ཁ་དང་ནུ་མའི་འབྲས་སྐྲན་དེ་གློ་བར་ཁྱབ་པའི་ཉེན་ཁ་མཐོ་རུ་འགྲོ་སྲིད།

ཚིལ་ཞག་མཐོ་བ་དང་མཁྲིས་རྒྱུ་གཤེར་རྩི་མཐོ་བ།མངར་ཆ་མང་བ་བཅས་ཀྱི་ཟས་རིགས་ཀྱིས་སྐྲན་ནད་ཕྲ་ཕུང་ཁྱབ་པ་ཇེ་མགྱོགས་སུ་གཏོང་ཐུབ། དེ་ལས་ལྡོག་སྟེ།བདེ་ཐང་བཟའ་བཏུང་གིས་ཚད་ངེས་ཅན་ཞིག་གི་སྟེང་ནས་སྐྲན་ཕྲ་ཕུང་ཁྱབ་པའི་ཉེན་ཁ་ཇེ་ཆུང་དུ་གཏོང་ཐུབ། དུས་རྒྱུན་གྱི་འཚོ་བའི་ཁྲོད་དུ་བཟའ་བཅའ་སྣ་ཚོགས་ཀྱི་སྤྱོད་ཚད་དོ་སྙོམས་ཡོང་རྒྱུར་དོ་སྣང་བྱེད་དགོས་པ་ལས་བདེ་ཐང་ལ་མངོན་མེད་རྐྱེན་ངན་མི་ཡོང་བ་བྱེད་དགོས། 

ལུས་རྩལ་སྦྱོང་བརྡར་བྱས་ན་ཤ་སྐམ་པ་དང་གཟུགས་བྱད་རྒྱུན་འཁྱོངས་ཐུབ་པ་མ་ཟད།སྐྲན་ནད་ཀྱང་འགོག་ཐུབ།

ཞིབ་འཇུག་བྱས་པ་ལྟར་ན།ཉིན་རེར་ཆེས་ཉུང་ནའང་སྐར་མ་30-60ཡི་ནང་དུ་ལུས་རྩལ་སྦྱོང་བརྡར་ཚད་མཐོ་བའི་མི་ལ་སྐྲན་ནད་ཕོག་པའི་ཉེན་ཁ་ཇེ་ཆུང་དུ་འགྲོ་བ་རེད། 

ནད་པ་མང་པོ་ཞིག་ལ་སྐྲན་ནད་སྨན་བཅོས་བྱས་རྗེས་རང་ཉིད་ལ་ཚོར་བ་བཟང་པོ་ཡོད་པ་དང་།སྨན་བཅོས་བྱས་རྗེས་ཀྱི་“ཁ་ཁུ་སིམ་”གྱིས་མགོ་སྐོར་ཐེབས་པའི་རྐྱེན་གྱིས།སྨན་པས་དང་ཐོག་དུས་བཅད་ལྟར་བསྐྱར་བཤེར་བྱེད་པ་སྣང་མེད་དུ་བཞག་མོད།འོན་ཀྱང་དོན་དངོས་སུ་སྐྲན་ནད་ཕྲ་ཕུང་དེ་ལུས་སྟེང་དུ་ཡོངས་སུ་མེད་པར་གྱུར་མེད་པས།ཅུང་ཙམ་དོ་སྣང་མ་བྱས་ན“བསྐྱར་དུ་འབྱུང་”སྲིད།

དུས་བཅད་ལྟར་ཡང་བསྐྱར་བརྟག་དཔྱད་བྱས་ན།སྔ་ཙམ་དང་དུས་ཐོག་ཏུ་སྐྲན་ནད་བསྐྱར་འཕར་བྱུང་བའི་སྣང་ཚུལ་མཐོང་ཐུབ།ཡང་བསྐྱར་བྱུང་བའམ་ཡང་ན་ཐབ་སྤོ་བྱས་ནས་དུས་ཐོག་ཏུ་ཐག་གཅོད་བྱེད་ཐུབ་ན།མང་ཆེ་བར་སྔར་བཞིན་ཕན་ནུས་ལེགས་པོ་ཐོན་རེ་ཡོད། དེར་བརྟེན།རྒྱ་ཆེའི་ནད་པ་རྣམས་ཀྱིས་དུས་བཅད་ལྟར་བསྐྱར་ཞིབ་བྱས་ཏེ།སྐྲན་ནད་ལ་ཡང་བསྐྱར་ཕར་རྒོལ་བྱེད་པའི་གོ་སྐབས་མི་སྟེར་བར་སྨོན། 

但需要注意，镇静催眠药需要在医生的指导下应用，不可擅自加量。

ང་ཚོ་མི་རེ་རེའི་ལུས་སྟེང་དུ་ཁྱད་པར་ཅན་གྱི་སྐྱེ་དངོས་དུས་ཚོད་ཀྱིས་ལུས་སྟེང་གི་ཉིན་མཚན་ཚིགས་འགྲོས་ལ་དོ་དམ་བྱེད་བཞིན་ཡོད།གལ་ཏེ་རྒྱུན་དུ་མཚན་འཁྱོངས་བྱས་ན།ལུས་ཕུང་གི་ཉིན་མཚན་ཚིགས་འགྲོས་ལ་གཏོར་བརླག་ཐེབས་པ་དང་།དེ་ནས་ཡང་བསྐྱར་སྤོ་སྒྱུར་བྱེད་པ་།དེར་བརྟེན་མཚན་འཁྱོངས་བྱེད་རྒྱུ་ནར་འགྱངས་ཡུད་ཙམ་ཡང་བྱེད་མི་རུང་།

འོན་ཀྱང་ང་ཚོས་ཤེས་གསལ་ལྟར།སྐྲན་ནད་ཕོག་པའི་ནད་པས་སྨན་མི་འཕྲོད་པའམ་ན་ཟུག་གཏོང་བ།ལྡོག་ཕྱོགས་ཀྱི་སེམས་ཁམས་སོགས་ཀྱིས་རྐྱེན་པས་རྒྱུན་ལྡན་གྱི་གཉིད་ལོག་པའི་སྐྱེ་དངོས་ཆུ་ཚོད་རྒྱུན་འཁྱོངས་བྱེད་དཀའ་བས།དུས་ཚོད་འདིར་ལུས་རྩལ་བྱེད་པ་དང་།དབུགས་རྔུབ་ལེན་བྱེད་པ།འཚིག་ཇའི་ཇ་མི་འཐུང་བ།གཉིད་ལ་ཕན་པའི་སྨན་ཟ་བ་སོགས་ཀྱི་ཐབས་ལ་བརྟེན་ནས་གཉིད་ཁུག་ཏུ་བཅུག་ནས་གཉིད་ཀྱི་སྤུས་ཚད་ཇེ་བཟང་དུ་གཏོང་ཐུབ།

འོན་ཀྱང་མཉམ་འཇོག་དགོས་པ་ཞིག་ནི།གཉིད་སྨན་དེ་སྨན་པའི་མཛུབ་སྟོན་འོག་ཏུ་བཀོལ་དགོས་པ་ལས་གང་འདོད་དུ་འཐུང་མི་རུང་།