དཔྱིད་གསར་དུས་ཆེན་ནི་མི་ཚང་མའི་ངོས་ནས་བརྗོད་ན་ནང་མི་མཉམ་འཛོམས་ནི་བདེ་སྐྱིད་ཆེ་ཤོས་དེ་རེད། འོན་ཀྱང་རང་རྒྱལ་གྱི་སྨན་ཁང་ཆེ་གྲས་ཁག་གི་བསྡོམས་རྩིས་ལ་གཞིགས་ན།ལོ་ལྟར་གྱི་དཔྱིད་གསར་དུས་ཆེན་རྗེས་སྐྲན་ནད་ཕོག་མཁན་གྱི་ནད་གཞི་ཇེ་སྡུག་ཏུ་འགྲོ་བ་མཐོ་རླབས་ཤིག་ཐོན་གྱི་ཡོད། དཔྱིད་གསར་དུས་ཆེན་རིང་སྐྲན་ནད་ཕོག་མཁན་ཚང་མས་རང་གིས་རང་ལ་དོ་དམ་ཡག་པོ་བྱས་ཏེ་དགའ་སྤྲོ་དང་སྤྲོ་སྣང་ལྡན་པའི་ངང་ལོ་གསར་གཏོང་དགོས་ལ་ནད་གཞི་བརྟན་པོ་ཡོང་རྒྱུར་སྲུང་སྐྱོང་ཡག་པོ་བྱེད་དགོས།གཤམ་ལ་ཚང་མར་ལོ་སར་སྐབས་སུ་སྐྲན་ནད་ཕོག་མཁན་གྱིས་ཅི་ཞིག་ལ་དོ་སྣང་བྱེད་དགོས་པ་ངོ་སྤྲོད་བྱེད། 

ང་ཚོ་ཀྲུང་གོའི་མིའི་ངོས་ནས་བཤད་ན།དཔྱིད་གསར་དུས་ཆེན་སྐབས་ངེས་པར་དུ་ཟ་མ་“ཡག་པོ་”ཟ་དགོས།འདིས་མངར་ཆ་མང་བ་དང་།སྣུམ་མང་བ།ཚྭ་མང་བ།ཁ་ཚ་བ་བཅས་ཀྱི་ཟས་རིགས་མང་པོ་ཞིག་སྒྲོག་ཙེའི་ཐོག་ཐོན་ཡོད་མོད།འོན་ཀྱང་ང་ཚོས་འོས་འཚམ་གྱིས་མཚམས་འཇོག་དགོས། 

སྐྲན་ནད་ཕོག་མཁན་ཡིན་ནའང་འདྲ་།ཡང་ན་སྤྱིར་བཏང་གི་མི་ཡིན་ནའང་འདྲ་།ཟས་རིགས་འདི་རིགས་མང་དྲགས་ན་།མྱུར་གཤིས་ཤན་རྨེན་ཚ་ནད་འབྱུང་སྲིད་པ་དང་།"མཐོ་གསུམ་"དང་ཕོ་བའི་སྐྲན་འབྱུང་བའི་ཉེན་ཁ་ཆེ་རུ་འགྲོ་སྲིད་།མངར་ཆ་མང་བ་དང་ཚིལ་མང་བ་ལས་བྱུང་བའི་ཤ་རྒྱགས་པས་ད་དུང་ནུ་མའི་སྐྲན་འབྱུང་བ་དང་ནད་གཞི་བསྐྱར་ལོག་འབྱུང་བའི་ཉེན་ཁ་ཇེ་ཆེར་འགྲོ་སྲིད།འདི་དག་ཚང་མ་ལུས་ཕུང་བདེ་ཐང་ལ་མི་ཕན།

དུས་མཚུངས་སུ།བཟའ་བཏུང་གི་ཆོས་ཉིད་ཀྱང་རྒྱུན་འཁྱོངས་བྱ་དགོས།ལོ་སར་ཡིན་པའི་རྐྱེན་གྱིས་རང་གི་རྒྱུན་ལྡན་གྱི་འཚོ་བའི་གོམ་སྟབས་དཀྲུག་མི་རུང་། 

སྐྲན་ནད་ཕོག་མཁན་ཞིག་གི་ནང་མི་ཡིན་པའི་ངོས་ནས་ངེས་པར་དུ་སྐྲན་ནད་ཕོག་མཁན་ལ་ཐ་མག་དང་ཆང་རག་གཏན་ནས་འཐུང་མི་རུང་བའི་དྲན་སྐུལ་བྱེད་དགོས་པ་དེ་ནི་ཁོ་ཚོའི་བདེ་ཐང་ལ་བསམ་བློ་གཏོང་ཆེད་ཡིན། གལ་ཏེ་སྐྲན་ནད་བྱུང་མཁན་གྱིས་རྫས་འགྱུར་གསོ་བཅོས་བྱེད་བཞིན་པའི་སྐབས་སུ།ཆང་གཏན་ནས་འཐུང་མི་རུང་སྟེ།སྐྲན་ནད་ཕོག་མཁན་གྱི་མཆིན་པ་དང་མཁལ་མའི་ནུས་པར་ཤུགས་རྐྱེན་ཐེབས་ཏེ།མཆིན་པ་དང་མཁལ་མའི་ནུས་པར་གནོད་འཚེ་ཐེབས་ངེས་ཡིན། གལ་ཏེ་སྐྲན་ནད་ཕོག་མཁན་གྱི་ནད་གཞི་དྲག་སྐྱེད་འབྱུང་བཞིན་པའི་སྒང་ཡིན་ན།གཤགས་བཅོས་བྱས་ཟིན་པས།ཐ་མག་འཐེན་རྒྱུ་མེད་ཅིང་།འཚོ་བའི་ཁྲོད་དུ་རང་ཉིད་ལ་བདག་སྐྱོང་ཡག་པོ་བྱས་ཏེ།བདེ་ཐང་ལ་གནོད་པའི་གོམས་གཤིས་ངན་པ་དེ་དང་བར་ཐག་རིང་དུ་གྱེས་དགོས། 

སྐྲན་ནད་ཕོག་པའི་ནད་པའི་རིམས་འགོག་ནུས་པ་དམའ་བས་འགོས་ནད་འབྱུང་སླ། ངལ་རྩོལ་དང་ངལ་གསོ་ཟུང་འབྲེལ་བྱས་ནས་བྲེལ་འཚུབ་དང་ངལ་དུབ་མི་ཡོང་བ་བྱས་ཏེ།མི་མང་བ་དང་མཁའ་རླུང་འགྲོ་རྒྱུག་མི་བྱེད་པའི་གནས་སུ་ཉུང་ཙམ་བསྐྱོད་དགོས། ངལ་གསོ་ལ་ཆོས་ཉིད་ཡོད་དགོས།ནམ་ལངས་རེག་བར་དུ་གཉེན་ཉེ་ལ་འཚམས་འདྲི་བྱེད་པ་དང་།ཆང་འཐུང་བ།རོལ་རྩེད་རྩེ་བ།ལུས་ཤུགས་ཚད་ལས་བརྒལ་ནས་འགོས་ནད་འབྱུང་བར་སྔོན་འགོག་བྱེད་དགོས། ལོ་སར་སྐབས།གནམ་གཤིས་གྲང་མོ་ཡིན་པ་དང་།སྔ་ཕྱི་གཉིས་ཀྱི་དྲོད་ཚད་ཧེ་བག་ཆེ་བས་དུས་ཐོག་ཏུ་གོན་ཆས་གྱོན་ནས་འཁྱག་པའི་དབང་གིས་འགོས་ནད་འབྱུང་བར་སྔོན་འགོག་བྱེད་དགོས། 

སྲོལ་རྒྱུན་གྱི་འདུ་ཤེས་ལས“ལོ་གསར་སྐབས་སྨན་ཟ་བར་བཀྲ་མི་ཤེས་པའི”ལྟ་བ་དེ་མི་མང་པོ་ཞིག་གི་སེམས་ནང་བརྟན་པོར་གནས་ཡོད་པས་སྐབས་དེར་སྨན་མཚམས་བཞག་ནས་སྨན་བཅོས་ལ་“ངལ་གསོ་ཆུང་ཆུང་”ཞིག་གཏོང་གི་ཡོད་པའི་ངོས་འཛིན་བྱེད་ཀྱི་ཡོད། དེ་ནི་ཚན་རིག་གི་གཞི་འཛིན་ས་མེད་པའི་བསམ་བློ་ཪྙིང་པ་ཞིག་རེད། དུས་ཆེན་རིང་ནད་གདོན་ནི་ངལ་གསོ་རྒྱག་གི་མེད།གཤགས་བཅོས་དང་སྨན་བཅོས་བྱས་མ་ཐག་པའི་སྐྲན་ནད་ཕོག་པའི་ནད་པར་ནད་གཞི་གང་འདྲ་ཞིག་ཡིན་རུང་དཔྱིད་གསར་དུས་ཆེན་རིང་སྨན་འཐུང་མཚམས་འཇོག་རྒྱུ་མེད། སྨན་བཅོས་རྒྱུན་འཁྱོངས་བྱེད་དགོས། སྐྲན་ནད་ཕོག་མཁན་གྱི་ངོས་ནས་བརྗོད་ན།དཔྱིད་གསར་དུས་ཆེན་རིང་ལྷོད་གཡེང་གཏན་ནས་བྱེད་མི་རུང་བ་དང་།གང་འདོད་ལྟར་སྨན་མཚམས་འཇོག་པ་དང་སྨན་ཉུང་དུ་གཏན་ནས་གཏོང་མི་རུང་། ལྷག་པར་དུ་སྨན་བཅོས་བྱེད་བཞིན་པའི་ནད་པ་དག་གིས་གང་འདོད་དུ་སྨན་བཅོས་བྱེད་མཚམས་བཞག་ན།སྐྲན་ནད་ལྷག་མའི་ཕྲ་ཕུང་སླར་གསོ་བྱེད་སླ།