“ཡོང་དུས་བསུ་སྒྲ་ཡོད་པ།དྲི་བར་ལན་སྒྲ་ཡོད་པ།འགྲོ་དུས་སྐྱེལ་སྒྲ་ཡོད་པ།”བཅས་བོད་ཀྱི་ཁང་ཁྲེང་སྐྲན་ནད་སྨན་ཁང་གི་ནད་ཁང་ནང་དྲོ་སྐྱིད་ལྡན་པའི་འཚམས་འདྲི་དང་སྤེལ་རེས་ཀྱིས་ཁེངས་ཡོད་པ་དང་འདི་གར་སྨན་ཁང་དང་མི་འདྲ་བར་“ཁྱིམ་ཚང”ལྟ་བུ་ཞིག་དང་འདྲ་བར་འདི་གའི་ནད་པ་དང་སྨན་པ་ནད་གཡོག་་མི་སྣ་ནི་སྤྱིར་བཏང་གི་སྨན་པ་དང་ནད་པའི་དབར་གྱི་འབྲེལ་བ་དང་མི་འདྲ་ལ་དེ་བས་ཀྱང་གཉེན་ཉེ་དང་གྲོགས་པོ་ཞིག་དང་འདྲ་པོ་ཡོད་པ། 

    ཟླ་༩ཚེས་༡༣ཉིན་ནི་སྤྱི་ཚོགས་ཚན་རིག་ཁང་གི་ལས་འཁྱུར་ངལ་གསོའི་ལས་བྱེད་རྒན་གྲས་སྨན་ཁང་ནས་དོན་པ་ཞིག་ཡིན་པ་དང་སྨན་ཁང་ནས་དོན་པའི་འགྲོ་ལུགས་གཉེར་ཚར་རྗེས་ལས་བྱེད་པ་རྒན་གྲས་ཀྱིས་བཟའ་ཟླའི་ཕེབས་རོགས་འོག་སྐྲན་ནད་ཚན་ཁག་གི་སྨན་དོན་མི་སྣ་ཡོངས་ལ་གོལ་དར་ཕུལ་བ་མ་ཟད་ཁོང་ཚོས་ཚད་མཐོའི་འགན་འཁུར་བའི་ལས་བཀུར་སྙིང་སྟོབས་དང་ངང་རྒྱུད་རིང་པོས་བརྟག་དཔྱད་ཞིབ་ཚགས་བྱེད་པ་སེམས་ཁུར་ངང་ནད་གཡོག་བཅས་བྱས་པར་ཐུགས་རྗེ་ཆེ་ཞུས་པ་དང།ནད་གཞི་བརྟན་པོ་བྱུང་བ་སྨན་བཅོས་བྱས་ནས་ནད་གཞིའི་སྡུག་བསྔལ་ཆུང་དུ་ཕྱིན་ཡོད་པ།ལས་བྱེད་པ་རྒན་གྲས་ཀྱིས་སེམས་འགུལ་ཚད་མེད་ཐེབས་བཞིན་དུ་བརྩེ་སེམས་ཟོལ་མེད་བཅངས་པའི་ངང་དམར་མདངས་བཀྲ་བའི་གོལ་དར་དེ་སྨན་བཅོས་མི་སྣར་ཕུལ་ནས་ཁོང་ཚོའི་ལག་པ་དམ་པོར་འཇུས་ནས་ཐུགས་རྗེ་ཆེ་ཡང་ཡང་ཞུས་གནང་བ་རེད། 

“དམར་མདངས་བཀྲ་བའི་གོལ་དར་ཞིག་དང་སྟབས་བདེའི་བསྔགས་བརྗོད་ཚིག་ཁ་ཤས་ནང་སྨན་པ་དང་ནད་པའི་དབར་གྱི་བརྩེ་སེམས་ཟབ་མོ་ཚུད་ཡོད་པ་དེ་ནི་ང་ཚོའི་སྨན་བཅོས་ནད་སྐྱོང་ཞབས་ཞུར་ཁས་ལེན་བྱས་པ་ཞིག་ཡིན་ལ་ང་ཚོའི་སྨན་དོན་ལས་དོན་པར་ཡིད་ཆེས་བྱས་པ་ཞིག་ཀྱང་ཡིན་དེ་བས་སྐུལ་ལྕག་བྱས་པ་ཞིག་ཀྱང་ཡིན་པས་ང་ཚོས་ང་རྒྱལ་དང་འཚབ་འཚུབ་མེད་པའི་ངང་མུ་མཐུད་འབད་བརྩོན་བྱས་ནས་ནད་པའི་རེ་འདོད་གཙོ་བོ་ཡིན་པ་དུས་དང་རྣམ་པ་ཀུན་ཏུ་སེམས་ལ་བརྟན་པོར་ངེས་དགོས་”ཞེས་བཤད་པ་རེད། འདི་ནི་སྐྲན་ནད་ཁོག་ནད་ཚན་ཁག་གི་ཀྲུའུ་རེན་ཚའེ་ཞའོ་ལི་ལ་གོལ་དར་འབྱོར་རྗེས་ཚན་ཁག་གི་སྨན་དོན་པར་མངགས་བཅོལ་བྱེད་པ་ཞིག་རེད། 

   ཚའེ་ཀྲུའུ་རེན་གྱིས་སྐྲན་ནད་ནི་དལ་བའི་རང་བཞིན་གྱིས་ནད་དང་ནད་གཞི་ཚབས་ཆེན་ཡིན་པ་མ་ཟད་སྨན་བཅོས་ཀྱི་རིན་གོང་ཡང་མཐོ་བ་བཅས་ཡིན་པས་ནད་པའི་ལུས་སེམས་ལ་རྡུང་རྡེག་དྲག་པོ་བཏང་གི་ཡོད།དེར་སྔ་ཙམ་ཤེས་རྟོགས་དང།སྔ་ཙམ་བརྟག་དཔྱད།སྔ་ཙམ་སྨན་བཅོས་བཅས་བྱ་རྒྱུ་ནི་སྐྲན་ནད་ལས་རྣམ་པར་རྒྱལ་བའི་འགག་རྩ་ཡིན་ལ་ནད་པར་ངེས་པར་དུ་རྒྱལ་ཁ་ཐོབ་པའི་སེམས་ཁམས་བཟང་པོ་ཞིག་འཛུགས་རྒྱུ་དེ་ཡང་གལ་འགངས་ཤིན་དུ་ཆེ་བ་རེད་ཅེས་གསུངས་པ་རེད། ང་ཚོ་སྨན་དོན་མི་སྣའི་ངོས་ནས་བརྗོད་ན་ང་ཚོས་སྒྲུབ་ཐུབ་པ་ནི“སྐབས་རེ་དྲག་སྐྱེས་ཡོང་བ་དང་རྟག་ཏུ་རོགས་རམ་བྱེད་པ་དེ་གཞིན་རྟག་ཏུ་སེམས་གསོ་གཏོང་བ་”ཅེས་པ་དེ་ཡིན།སྐྲན་ནད་ཀྱི་དྲག་གསོ་དང་སྨན་བཅོས་ནི་དུས་ཡུན་རིང་བའི་བརྒྱུད་རིམ་ཞིག་ཡིན་ནད་པ་དང་།ཁྱིམ་མི།སྨན་བཅོས།སྤྱི་ཚོགས་བཅས་ཀྱིས་ཐུན་མོང་ཐོག་འབད་བརྩོན་དང་གཞོགས་འདེགས་བྱེད་དགོས་པ་མ་ཟད་དེའི་ཐད་ནས་བལྟས་ཚེ་ནད་པ་དང་སྨན་དོན་མི་སྣས་ཐུན་མོང་ཐོག་ནད་པར་ཁ་གཏད་གཅོག་དགོས།ནད་པ་དང་སྨན་དོན་མི་སྣ་ནི་ཁྱིམ་ཚང་གཅིག་གི་མི་ཡིན་པ་རེད། 

  ངེད་སྨན་ཁང་གི་སྨན་པ་དང་སྨན་གཡོག་ཚོས་བློ་གཅིག་སེམས་གཅིག་ངང་ལས་ཀའི་ནང་ཞུགས་ནས་མིག་སྔར་སྐྲན་ནད་སྨན་བཅོས་ཀྱི་སྨན་བཅོས་ཐོན་ཁུངས་དང་ལག་རྩལ་ཡག་པོ་སྤྱད་དེ་ནད་པ་མི་རེ་ངོ་རེར་སྨན་བཅོས་ཡག་ཤོས་དང་སེམས་གསོ་ཆེ་ཤོས་ཡོང་བའི་བརྩོན་ལེན་བྱེད་ཀྱི་ཡོད། ནད་པའི་མཛེས་སྡུག་ལྡན་པའི་འཚོ་བ་བརྩོན་ལེན་བྱེད་པ་ནི་ང་ཚོའི་འབད་བརྩོན་བྱེད་པའི་ཁ་ཕྱོགས་དང་སྒུལ་ཤུགས་ཡིན་ལ་ནད་པས་ང་ཚོར་གཟེངས་བསྟོད་ཆེན་པོ་བྱེད་པ་དེ་ཡང་རེད། ཚན་རྩལ་ཡར་རྒྱས་དང་འཕེལ་རྒྱས་འགྲོ་བའི་ཆབས་ཅིག་སྨན་བཅོས་བྱེད་ཐབས་གསར་པ་ད་དུང་བྱ་ཐབས་གསར་པ་དེ་བས་མང་བ་དུས་ཐོག་ཏུ་སློབ་སྦྱོང་བྱས་ནས་ནད་ཐོག་སྨན་བཅོས་ཐད་སྤྱོད་དགོས།སླད་ཕྱིན་སྨན་པ་དང།ནད་པ།སྤྱི་ཚོགས་ལས་རིགས་ཁག་བཅས་ཀྱི་ཐུན་མོང་འབད་བརྩོན་འོག་སྐྲན་ནད་ཕོག་མཁན་དེ་བས་མང་བར་སྨན་བཅོས་དང་དྲག་སྐྱེད་ཀྱི་གོ་སྐབས་དེ་བས་ལེགས་པ་ཐོབ་རྒྱུའི་ཡིད་ཆེས་ཡོད་ཅེས་གསུངས་པ་རེད།