“ལོ་ངོ་བརྒྱ་ཕྲག་རིང་མཉམ་དུ་ཕུགས་འདུན་བསྐྲུན།སྨན་པས་ལགས་ལེན་བསྟར་བའི་ཐོག་མའི་བསམ་འདུན།”ཞེས་པ་དེ་རིང་ནི་“ཀྲུང་གོའི་སྨན་པ་དཀའ་བཅུ་པའི་དུས་ཆེན་”བཞི་པ་དེ་རེད།ཟླ་8པའི་ཚེས་19ཉིན་གྱི་ཕྱི་དྲོ་བོད་ལྗོངས་ཁང་ཁྲེང་སྐྲན་ནད་སྨན་ཁང་（སི་ཁྲོན་ཞིང་ཆེན་སྐྲན་ནད་སྨན་ཁང་ལྷ་ས་ཡན་ལག་སྨན་ཁང་）གིས་2021ལོའི་“ཀྲུང་གོའི་སྨན་པའི་དུས་ཆེན”ལ་བརྟེན་འབྲེལ་ཞུ་བའི་བཞུགས་མོལ་ཚོགས་འདུ་དེ་སྲིད་འཛིན་ཐོག་ཁང་གི་ནུས་མང་ཚོགས་ཁང་དུ་འཚོགས་པ་རེད། སྨན་དོན་ཁོའོ་ཡི་ཀྲུའུ་རེན་ལིའུ་ཅིས་ཡིས་གཙོ་སྐྱོང་གནང་བ་དང་ཡོན་ཀྲང་རྡོ་རྗེ་ཐའེ་དང་དེ་བཞིན་སྨན་ཁང་དུ་ལས་ཀ་བྱེད་བཞིན་པའི་ནད་ཐོག་སྨན་བཅོས་རིགས་གཅིག་མཁས་ཅན་གྱི་དགེ་རྒན་ཆེ་མོ་བ་དང་ན་གཞོན་སྨན་པ་སོགས་བཞུགས་མོལ་ཚོགས་འདུར་ཞུགས་པ་རེད། 

ཚོགས་འདུའི་ཐོག་རྡོ་རྗེ་ཐའེ་གྱིས་སྨན་ཁང་གི་ཚབ་ཞུས་ནས་སྨན་ཁང་དེ་ཡོངས་ཀྱི་ལས་གནས་ཁག་ཏུ་དཀའ་སྤྱད་ལས་ཀ་བྱེད་མཁན་སྨན་པ་ཚོར་དུས་ཆེན་གྱི་འཚམས་འདྲི་དང་སྙིང་དབུས་ནས་ཐུགས་རྗེ་ཆེ་ཞུས་པ་རེད། དེ་དང་ཆབས་ཅིག་སྨན་ཁང་ལས་གཉེར་བྱེད་འགོ་ཚུགས་པའི་ལོ་དེའི་རིང་སྨན་ཁང་གིས་ནང་དོན་འཛུགས་སྐྱོང་ལ་རྒྱུན་ཆད་མེད་པར་ཤུགས་སྣོན་རྒྱག་པ་དང་།སྨན་བཅོས་ཞབས་ཞུ་ལེགས་སུ་གཏོང་བ།ཤེས་ལྡན་མི་སྣའི་ཚན་རྩལ་ལ་བརྟེན་ནས་སྨན་ཁང་དར་རྒྱས་གཏོང་བའི་འཐབ་ཇུས་ལག་ལེན་བསྟར་བྱས་པས་སྨན་བཅོས་དང་དོ་དམ་སོགས་ཀྱི་ལས་དོན་ཁྲོད་གྲུབ་འབྲས་མངོན་གསལ་དོད་པོ་ཐོབ་ཡོད་ཅེས་བཤད་པ་རེད། 

སྨན་ཁང་གི་སྨན་བཅོས་དཔུང་ཁག་འཛུགས་སྐྱོང་ཁྲོད་ནད་ཐོག་སྨན་བཅོས་ཀྱི་འཐབ་ཕྱོགས་དང་པོར་དམག་འཐབ་མཐའ་འཁྱོངས་བྱེད་མཁན་གྱི་རིགས་གཅིག་མཁས་ཅན་རྒན་གྲས་དང་དགེ་རྒན་ཆེ་མོ་བ་རྒན་གྲས་ཡོད་པ། ལོ་ན་གཞོན་ཞིང་འཇོན་ཐང་ལྡན་པ།སྔ་མཐུད་ཕྱི་འཛིན།ལས་འགན་ལྗིད་པོ་འཁུར་ཕོད་པའི་དར་མ་དང་ན་གཞོན་རྐང་འཛིན་པ་ཡང་ གཞན་ཡང་བྱ་བྱེའུ་ཡི་གཤོག་པ་བརྐྱངས་ཤིང་།སྐྱེ་སྟོབས་ཀྱི་དཔལ་འབར་བ།མགོ་བོ་ཐོག་མར་འབུས་པའི་ཁམ་བུའི་མེ་ཏོག་དང་དཔྱིད་ཀྱི་མྱུ་གུ་ཡང་ཡོད། ལོ་གཅིག་གི་རིང་ལ་ང་ཚོས་བློ་བརྟན་འགྱུར་མེད་ཀྱིས་འབད་བརྩོན་དང་མུ་མཐུད་ནས་ཡར་རྒྱས་བརྩོན་ལེན་བྱས་ཏེ་ལག་རྩལ་ཡག་ཐོག་ཡག་རྩེག་ཡོང་བ་བཅས་བྱས་པ་དང་། ལོ་གཅིག་གི་རིང་ལ་ང་ཚོས་ལས་ལ་དགའ་ཞིང་བརྩོན་པ་དང་སྒེར་སེམས་མེད་པར་ལེགས་སྐྱེས་འབུལ་ནས་ཡོད་ཚད་མང་ཚོགས་ཀྱི་བདེ་ཐང་ཆེད་དུ་ཡིན།ལོ་གཅིག་གི་རིང་ལ་ང་ཚོས་སྤྱོད་གཙང་རང་གཅུན་དང་བྱས་ནས་ནད་པ་གཉེན་ཉེ་ལྟར་བརྩི་བ་དང་རྩེར་སོན་གྱི་སྨན་བཅོས་ལག་རྕལ་དང་བླ་ན་མེད་པའི་ཀུན་སྤྱོད་བཟང་པོ་མཚོན་པར་བྱས་པས་སྨན་ཁང་འཕེལ་རྒྱས་སུ་འགྲོ་བར་ང་ཚོའི་སེམས་ཤུགས་དང་རྔུལ་ཆུ་འདུས་ཡོད། སྨན་པའི་ཀུན་སྤྱོད་བཟང་བ་དང་།སྨན་པའི་ཀུན་སྤྱོད་བླ་ན་མེད་པ་དང་སྨན་བཅོས་ལག་རྩལ་ཕུལ་དུ་བྱུང་བའི་སྨན་པ་ཚོགས་པ་དེ་འདྲ་ཞིག་ཡོད་པའི་དབང་གིས་སྨན་ཁང་ལ་ད་གཟོད་སྤྱི་ཚོགས་ཀྱི་ལས་རིགས་ཁག་དང་རྒྱ་ཆེའི་མི་དམངས་མང་ཚོགས་ཀྱི་བརྩི་འཇོག་དང་དགའ་ཞེན་ཟབ་མོ་ཐོབ་པ་དང་སྨན་ཁང་ལ་ད་གཟོད་རྒྱུན་ཆད་མེད་པར་འཕེལ་རྒྱས་འགྲོ་བའི་སྒུལ་ཤུགས་དང་འབྱུང་ཁུངས་ཡོད་པ་རེད། 

བཞུགས་མོལ་ཚོགས་འདུའི་ཐོག་ཕྱི་ནད་ཚན་ཁག་གི་སྨན་རམས་པ་ཀྲུའུ་རེན་ཀྲང་ཅ་ཡུང་གིས་ང་སློབ་གྲྭ་ཐོན་ནས་ལོ་30ལྷག་ཙམ་ཕྱིན་སོང་ངས་རྒྱུན་དུ་རང་སྐྱོན་རང་ཞིབ་བྱས་ནས་ལོ་30ལྷག་ཙམ་དེའི་ནང་ངས་སྨན་བཅོས་བྱས་པའི་ནད་པ་ཚང་མར་དྲོ་སྐྱིད་ཚོར་ཐུབ་མིན་དང་ནད་པས་བསམ་བློ་གཏོང་སར་བསམ་བློ་གཏོང་བ་དང་ནད་པས་སེམས་ཁྲལ་བྱེད་སར་སེམས་ཁྲལ་བྱེད་ཐུབ་མིན་ལ་བསམ་བློ་ཡང་ཡང་བཏང་བ་ཡིན་ཡོད་ཅེས་བཤད། ངས་རང་ཉིད་ཀྱིས་བསྒྲུབས་པ་ད་དུང་ཧ་ཅང་མི་འདང་ཚོར་སྣང་ཟབ་མོ་བྱུང་ཆུང་དུས་སྐུ་ཞབས་བགྲེས་པོ་ཆིའུ་ལགས་ཀྱིས་“ཀུན་སྤྱོད་སངས་རྒྱས་ཉིད་དང་མི་མཉམ་སྨན་པ་བསྟེན་མི་བྱ།ཡོན་ཏན་ལྷ་དང་མི་མཉམ་སྨན་པ་བསྟེན་མི་བྱ།”ཅེས་ཚིག་གཅིག་བཤད་མྱོང་ཡོད། སྤྱོད་བཟང་ཞེས་པ་ནི་མི་ཚུལ་ལྡན་ཞིག་བྱེད་པ་དང་།བྱས་རྗེས་འཇོག་པ་ཞེས་པ་ནི་བྱ་བ་སྒྲུབ་པ་ཡིན་ལ་།གཏམ་གླེང་བྱེད་པ་ནི་ཡོན་ཏན་སྒྲུབ་པ་རང་རེད། ང་ཚོ་སྨན་པ་བྱེད་མཁན་ནི་ཡོན་ཏན་སྒྲུབ་མཁན་ཡིན་མོད་འོན་ཀྱང་མི་ཚུལ་ལྡན་ཞིག་བྱ་རྒྱུ་ནི་མ་མཐའི་བླང་བྱ་ཞིག་ཡིན་པས་དེར་བརྟེན་ངས་རྟག་ཏུ་མི་ཚུལ་ལྡན་ཞིག་བྱ་རྒྱུ་དང་ལས་ཀ་བྱ་རྒྱུ་ཡོན་ཏན་སྦྱོང་རྒྱུ་བཅས་ཀྱི་ཐད་ལ་བསམ་བློ་ཡང་ཡང་གཏོང་གི་ཡོད། 

ཀྲུའུ་རེན་སྨན་པ་་དང་ཀྲུའུ་རེན་སྨན་པ་གཞོན་པ་ཚན་ཁག་ཁང་གི་འགན་འཁུར་བ་བཅས་ཚང་མས་གཏམ་བཤད་ཧུར་ཐག་གནང་བ་དང་ཆབས་ཅིག་སྨན་ཁང་གི་རིག་གནས་འཛུགས་སྐྱོང་དང་སྲོལ་རྒྱུན་བཟང་པོ་ཤུལ་འཛིན།ན་གཞོན་ལས་བཟོ་གསོ་སྐྱོང་།སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་གསོ་རིག་སློབ་གསོར་ཤུགས་སྣོན།སྨན་ཁང་གི་མ་འོངས་འཕེལ་རྒྱས་སོགས་ལ་དམིགས་ནས་ལྷག་བསམ་ཟོལ་མེད་ཀྱི་བསམ་འཆར་དང་གྲོས་འགོ་བཏོན་གནང་བ་རེད། བཞུགས་མོལ་ཚོགས་འདུ་དེ་སྤྲོ་སེམས་འཁོལ་བའི་ངང་མཇུག་འགྲིལ་བ་རེད།