时节如流，奋斗如歌

2020年-2022年

བོད་ལྗོངས་ཁང་ཁྲེང་སྐྲན་ནད་སྨན་ཁང་ལོ་གཉིས་ལ་སླེབས་སོང། ལོ་གཉིས་རིང་སྐྲན་ནད་སྨན་ཁང་གིས་ཧྥུའུ་ཁང་གི་སྨན་བཅོས་སྤྱི་ཁྱབ་པུའུ་ཡི་ལེགས་ཆེའི་ཐོན་ཁུངས་ལ་བརྟེན་ནས་གྲགས་ཅན་སྨན་པ་མང་པོ་གཅིག་སྡུད་བྱས་ཏེ་རང་ངོས་ཀྱི་ཕྱོགས་བསྡུས་དངོས་ཤུགས་རྒྱུན་ཆད་མེད་པར་ཆེ་རུ་བཏང་ནས་བློ་གཅིག་སེམས་གཅིག་ངང་སྐྲན་ནད་ཕོག་མཁན་ཚོར་ཆེད་ལས་ཚན་ཁག་དང་སྤུས་ཚད་མཐོ་བའི་སྨན་བཅོས་ཞབས་ཞུ་མཁོ་འདོན་བྱས་པར་སྤྱི་ཚོགས་ལས་རིགས་ཁག་གི་ཁས་ལེན་ཐོབ་པ་མ་ཟད།རྒྱ་ཆེའི་ནད་པའི་བསྔགས་བརྗོད་དང་ཡིད་ཆེས་ཐོབ་པ་རེད། 

      དུས་ཚོད་ནི་ཆུ་རྒྱུན་དང་འདྲ། འབད་བརྩོན་ནི་གླུ་དབྱངས་དང་འདྲ། དོ་སྣང་མ་བྱས་པའི་སྐབས་བོད་ལྗོངས་ཁང་ཁྲེང་སྐྲན་ནད་སྨན་ཁང་ཉིན་མཚན་༧༠༠ལྷག་ཙམ་བསྐྱོད་ཟིན་པ་དང། ཉེ་བའི་ལོ་གཉིས་ནི་དཀའ་ངལ་ཁྱད་བསད་དང་དཔའ་ངར་ཆེར་བསྐྱེད་ཀྱིས་གསར་འབྱེད་བྱས་པའི་ལོ་གཉིས་དང་།རང་སྟོབས་རང་སྤེལ་དང་གསར་གཏོད་འཕེལ་རྒྱས་བཏང་བའི་ལོ་གཉིས་ཡིན་ལ་།བློ་ལ་བརྟན་པོར་ངེས་པ་དང་གཡུར་དུ་ཟ་བའི་གྲུབ་འབྲས་ཐོབ་པའི་ལོ་གཉིས་ཀྱང་ཡིན། སླད་ཕྱིན་ང་ཚོས་ལོ་གཉིས་འཁོར་བ་དེ་འགོ་འཛུགས་ས་གསར་པར་བརྩིས་ནས་དུས་དང་རྣམ་པ་ཀུན་ཏུ་ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་ངེས་ནས“ཐོག་མཐའ་བར་གསུམ་དུ་ཚོགས་པའི་ཁོངས་མི་རེ་རེའི་ལས་རིགས་བྱང་ཚད་མཐོ་རུ་གཏོང་བར་འབད་བརྩོན་དང་།ཐོག་མཐའ་བར་གསུམ་དུ་ནད་པར་སྤུས་ཚད་མཐོ་ཞིང་དྲོད་ཚད་ལྡན་པའི་སྨན་བཅོས་ཞབས་ཞུ་མཁོ་འདོན་བྱེད་པར་འབད་བརྩོན་བྱ་རྒྱུ་ཡིན།”

ལོ་གཉིས་ཀྱི་རིང་ལ།ལས་མི་ཡོངས་ཀྱིས་རྒྱུན་ཆད་མེད་པར་འཚོལ་ཞིབ་དང་འབད་བརྩོན་ལྷོད་མེད་བྱས་པར་བརྟེན།ང་ཚོར་མི་དམངས་མང་ཚོགས་དང་རྒྱ་ཆེའི་ནད་པའི་ཁྲོད་དུ་ཤུགས་རྐྱེན་ངེས་ཅན་ཐེབས་ཡོད་པ་དང་།ལས་རིགས་ནང་ཁུལ་དུ་བསྔགས་བརྗོད་བཟང་པོ་ཐོབ་ཡོད། 

ལོ་གཉིས་རིང་།ཁང་ཁྲེང་སྐྲན་ནད་སྨན་ཁང་གིས་ཆེད་ལས་ཚན་ཁག་གི་ལག་རྩལ་དང།ལས་བཀུར་གྱི་རྣམ་འགྱུར།ཟོལ་མེད་ཞབས་ཞུ།གཅེས་སེམས་བཅས་ཀྱི་ཐོག་ནས་སྐྲན་ནད་ཕོག་མཁན་གྲངས་ལས་འདས་པ་སྡུག་བསྔལ་ལས་གྲོལ་བར་རོགས་རམ་བྱས་ཡོད། 

ལོ་གཉིས་རིང་“ནད་པའི་དགོས་མཁོ་བླ་ན་མེད་པ་དང་།ཚོགས་པའི་ལྷག་བསམ་མཉམ་ལས།གྲུབ་འབྲས་ལེགས་སྐྱེས་མཉམ་སྤྱོད།རང་སྐྱོན་རང་བརྟག་རྒྱུན་འཁྱོངས་”བཅས་ཀྱི་ལྟེ་བའི་རིན་ཐང་ལྟ་བ་ཐོག་མཐའ་བར་གསུམ་དུ་ལག་ལེན་བསྟར་ནས་ཧྥུའུ་ཁང་སྨན་བཅོས་ཀྱི་ལེགས་ཆར་བརྟེན་ནས་སྔོན་ཐོན་གྱི་སྒྲིག་ཆས་དང་།རྩེར་སོན་གྱི་ལག་རྩལ།སྤུས་ལེགས་ཀྱི་ཞབས་ཞུ།ལུགས་མཐུན་གྱི་གྲོན་བསྡུ་བཅས་ལ་བརྟེན་ནས་སྐྲན་ནད་ཕོག་མཁན་དེ་བས་མང་བའི་གདམ་ག་ཞིག་ཏུ་གྱུར་ཡོད།