ནད་གཡོག་མི་སྣའི་ལས་གནས་ཀྱི་ནུས་པ་སྔར་བས་ཆེ་རུ་གཏོང་བ་དང་ནད་གཡོག་མི་སྣས་ལས་གནས་དང་མགྱོགས་མྱུར་འཚམ་པ་བྱ་རྒྱུར་སྐུལ་འདེད་གཏོང་ཆེད།ནད་ཞབས་པུའུ་འགོ་ཁྲིད་ནས་ནད་གཡོག་མི་སྣར་དུས་ཡུན་གཟའ་འཁོར་གཅིག་གི་རིགས་པའི་གཞུང་ལུགས་དང་དངོས་སྦྱོང་གསོ་སྦྱོང་དེ་བཞིན་དཔྱད་ཞིབ་བྱས་པ་རེད། ད་ཐེངས་ཀྱི་གསོ་སྦྱོང་ལ་སྨན་ཁང་གི་འགོ་ཁྲིད་ཀྱིས་ཚད་མཐོའི་མཐོང་ཆེན་བྱས་ཤིང།ཡོན་ཀྲང་རྡོ་རྗེ་ཐར་གྱིས་ནད་གཡོག་མི་སྣར་ཁེ་ལས་ཀྱི་རིག་གནས་གསོ་སྦྱོང་བྱས་པས་དེར་བརྟེན་ནད་གཡོག་མི་སྣས་བོད་ཀྱི་ཁང་ཁྲེང་སྐྲན་ནད་སྨན་ཁང་ལ་སྔར་བས་ཤེས་རྟོགས་ཐུབ་པ་མ་ཟད་བོད་ཀྱི་ཁང་ཁྲེང་སྐྲན་ནད་སྨན་ཁང་གི་ཁྱིམ་ཚང་ཆེན་པོ་དེའི་ནང་དེ་བས་ལེགས་པའི་སྒོ་ནས་ཞུགས་ཐུབ་པ་བྱུང་ཡོད།

  ནད་ཞབས་པུའུ་དང་འགོས་ནད་ཚན་ཁག་གི་ཀྲུའུ་རེན་ཀྲུའུ་ཧའེ་ཡན་གྱིས་གཟའ་འཁོར་གཅིག་གི་རིང་གསར་དུ་གདན་ཞུ་བྱས་པའི་ནད་གཡོག་མི་སྣ་གསོ་སྦྱོང་བྱ་རྒྱུའི་ཐད་ལས་དོན་བཀོད་སྒྲིག་བྱས་པ་མ་ཟད།རིམས་ནད་སྔོན་འགོག་ཚོད་འཛིན་དང་དེ་བཞིན་འབྲེལ་ཡོད་ཀྱི་རིམས་ནད་སྔོན་འགོག་ཚོད་འཛིན་གྱི་ཤེས་བྱ་འགྲེལ་བཤད་ཀྱང་བརྒྱབ་པ་རེད།

     ཟླ་8ཚེས་26ཉིན་གྱི་ཆུ་ཚོད་15དང་སྐར་མ་30ལ་ཁོག་ནད་ཚན་ཁག་གི་ནད་གཡོག་དཔོན་ལི་ཡུས་མེ་ཡིས་ཚང་མར་འབུ་ཕྲའི་ལག་རྩལ་དང།ཁ་སྦུག་ནད་གཡོག།སྙིང་གློག་ལྟ་སྐྱོང་བཅས་ཀྱི་ཤེས་བྱ་འགྲེལ་བཤད་བརྒྱབ་པ་མ་ཟད་ས་གནས་ས་ཐོག་ཏུ་འགྲེམས་སྟོན་བྱས་པ་རེད།

▲李玉梅护士长为新员工进行理论知识培训及操作演练

  ཟླ་8ཚེས་30ཉིན་གྱི་ཆུ་ཚོད་15དང་སྐར་མ་30ཡི་ཐོག་ཕྱི་བཅོས་ཚན་ཁག་གི་ནད་གཡོག་དཔོན་ཀོའོ་ཡའེ་གྱིས་བརྟག་བཤེར་གྱི་དངོས་དཔེ་འཚོལ་བསྡུ་དང་།འཕར་རྩའི་དངོས་དཔེ་འཚོལ་བསྡུ།ཁ་ལུད་ཀྱི་དངོས་དཔེ་འཚོལ་བསྡུ།གཙོག་པའི་དངོས་དཔེ་འཚོལ་བསྡུ།གཅིན་པའི་དངོས་དཔེ་འཚོལ་བསྡུ་བཅས་ཀྱི་འབྲེལ་ཡོད་ནང་དོན་དང་དེ་བཞིན་བཀོལ་སྤྱོད་ནང་སྦྱོང་འགྲེལ་བཤད་བརྒྱབ་པ་རེད།

▲高雅护士长为新员工进行理论知识培训及操作演练  

    ཟླ་9ཚེས་1ཉིན་གྱི་ཆུ་ཚོད་15དང་སྐར་མ་30ཡི་ཐོག་མོ་ནད་ཚན་ཁག་གི་ནད་གཡོག་དཔོན་མ་ཝུན་གྱིས་ནད་པ་སྨན་ཁང་དུ་བསྡད་ནས་ནད་གཡོག་བྱེད་པ་དང།ན་ཟུག་གཏོང་བ།ཉལ་ཁྲི་ཐོག་ནས་ལྷུངས་བ།གནོན་ཤུགས་རང་བཞིན་གྱི་རྨས་སྐྱོན་ཕོག་པ་སོགས་ཀྱི་འབྲེལ་ཡོད་ཤེས་བྱ་འགྲེལ་བཤད་བརྒྱབ་ནས་ས་གནས་ས་ཐོག་ཏུ་དངོས་སྦྱོང་བྱས་ཡོད་པ་རེད།

▲马文护士长为新员工进行理论知识培训及操作演练 

     ཟླ་9ཚེས་2ཉིན་གྱི་ཆུ་ཚོད་15དང་སྐར་མ་30ཡི་ཐོག་མྱུར་སྐྱོབ་ཚན་ཁག་གི་ནད་གཡོག་དཔོན་ལི་ཡན་ཁྲའོ་ཡིས་ཚང་མར་སྙིང་དང་གློ་བའི་སླར་གསོ་དང་།རྒྱུ་མའི་ནང་རྨ་ཁ་བཟོས་ནས་ནད་གཡོག་བྱེད་པ།Tསྦུག་ནས་བཞུར་འདྲེན་བྱེད་པ།བྲང་ཁོག་ལ་བཞུར་འདྲེན་བྱེད་པ།སྡོད་རྩ་རུ་ཁབ་བླུགས་ནས་སྨན་ཆུ་བླུགས་པའི་ལག་རྩལ་སོགས་འབྲེལ་ཡོད་ནང་དོན་འགྲེལ་བཤད་བརྒྱབ་པ་རེད།

      ཟླ་9ཚེས་6ཉིན་གྱི་ཆུ་ཚོད་15དང་སྐར་མ་30ཡི་ཐོག་གསར་དུ་གདན་ཞུ་བྱས་པའི་ནད་གཡོག་མི་སྣར་རིགས་པའི་གཞུང་ལུགས་ཀྱི་རྒྱུགས་ལེན་བྱས་པ་དང་དེར་གཅིག་གཏད་གཅིག་གི་ཐོག་ནས་རྒྱུགས་སྤྲོད་བྱས་པ་རེད།                               

▲理论考试现场

   ཟླ་9བའི་ཚེས་7ཉིན་གྱི་སྔ་དྲོའི་ཆུ་ཚོད་11ལ་ནད་སྡོད་པུའུ་ཡི་ཐོག་བརྩེགས་དྲུག་པར་གསར་དུ་ལས་ནས་ཐོག་ཞུགས་པའི་ནད་གཡོག་མི་སྣ་ཡོངས་ལ་བཀོལ་སྤྱོད་རྒྱུགས་ལེན་བྱས་པ་དང་།རྒྱུགས་ལེན་པའི་ཁ་བྱང་ལ་“སྡོད་རྩའི་ཉར་འཇོག་ཁབ་གཙག་བྱེད་པའི་ལག་རྩལ”ཟེར།མི་གཉིས་རང་མོས་རུ་ཁག་གིས་ཕན་ཚུན་བར་རྒྱུགས་ལེན་པ་དང་དེ་ཁག་གསུམ་དུ་བགོས་ནས་དུས་མཉམ་དུ་རྒྱུགས་ལེན་པ་རེད།

▲静脉留置针穿刺技术考核现场